大漢阿嬸講細漢的故事

聽錄音

怹二姊嫁--過的所在愛經過一逝路攏刺竹穢sâ-sâ，伊定定去揣--伊，有一暗經過遐，轉--去共怹阿母講：「阿母，遐有一个人足厲害--呢，彼磚仔牆khōng一逝，頂懸遐狹，伊煞睏佇頂頭，啊攏袂摔--落-來--呢！」

怹阿母聽了，足定著共應講：「袂--啦！彼足厲害，袂跋--落-來--啦！」

過足久，大漢嬸嫁--矣，有一擺轉--去，怹阿母講：「彼逝路真bái，行--過彼竹仔會拗倒--落-來，你若共hānn--過，就共你規个tshuā--起-去。今仔日我過，有影一枝竹仔倒--落-來，我就共講："啊我曷無共你害--矣，你嘛較好心--咧，莫按呢創治--我。" 結果竹仔就徛倒--轉-去--矣。」

阿嬸就問：「按呢...我細漢看--著彼...彼是啥...」

「你講彼我早就袂記--得--矣，若有看著人倒按呢，彼就是彼毋！」

就是細漢驚伊驚，無愛共講明。