信望愛台語客語輸入法3.0版發行kap研習會 新聞稿

連絡人:長老教會台灣族群母語推行委員會委員陳豐惠老師0930-067-228

(一)北部場：5月22日(拜二) 1：30~2：00 p.m.

「長老教會台灣族群母語推行委員會kap各中會座談會」

特別安排信望愛輸入法說明kap記者會
主辦：長老教會台灣族群母語推行委員會
地點：新竹聖經學院信徒大樓一樓會議室（新竹市東區高峰路56號）

(二)台南場：5月23日(拜三) 10: 00~12:00a.m. 記者會兼研習

主辦：成大台灣語文測驗中心/蔣為文副教授06-238-7539

地點: 成大榕園校區修齊大樓3樓26302教室

(三)台中場：5月25日（拜五）10: 00~12: 00a.m.記者會兼研習

　　主辦：台灣羅馬字協會
　　地點：台中本土文化書局（台中市中區三民路三段49號，04-2222-4160 鄭惠敏小姐）

　　　(三場主講人: 林俊育長老/台語客語信望愛輸入法召集人0922-429-420) 

說明:

三年前發行ê信望愛台語客語輸入法2.0版，經過台語文界kap客語文界微軟（Microsoft）電腦眾愛用者熱烈使用，讚聲不斷。最近蘋果Mac電腦使用者愈來愈濟，要求信望愛台語客語輸入法嘛愛適用Mac電腦，阮就開發同時適用微軟（Microsoft）kap蘋果Mac ê信望愛台語客語輸入法3.0版，嘛kā原2.0版升級更新。

這個3.0版上大ê更新是「詞庫自動更新」，輸入法主要是靠詞庫ê更新來增加拍字ê效率。前2.0版ê詞庫更新無真方便，3.0針對這點做更新，升級到kah一般軟體仝款，就是電腦開機ê時會自動問你有beh更新詞庫無？點選“beh”就會自動更新。

2.0版原本上大ê功能「自訂詞庫」，安裝3.0版ê時會保留原狀，輸出ê字數有增加到：微軟（Microsoft）最高限128字，蘋果Mac最高限3,000字。常常拍ê詞、字句kah文章會使做「自訂詞庫」，像講你ê名、地址等，做好自訂詞庫就ē-tàng快速拍出。

2.0版拍漢字有詞ê首碼速打法，3.0版拍全羅馬嘛有這個速打法。像講漢羅kan-taⁿ 拍「toth」就會出現「台灣大學」，全羅kan-taⁿ拍「Toth」就會出現「Tâi-oân-tāi-ha̍k」。就是講kan-taⁿ拍首碼，免一字一字拍，ē-tàng省足濟時間。

2.0版ê客語調號輸入tio̍h照台語ê數字調號順序，taⁿ 3.0版就照客語ê數字調號順序，加真實際koh方便，對客語文書寫ê人來講是一个大福音。

信望愛台語客語輸入法是台語文界kah客語文界ê支持者，同心出錢出力開發出來ê軟體，掛tī台語信望愛網站（http://taigi.fhl.net）kah客語信望愛網站（http://hakka.fhl.net），免費下載，請多多利用。

為tio̍h beh hō͘社會大眾、台語文界kah客語文界知影這個信望愛台語客語輸入法3.0版ê好消息，特別舉辦北中南三場3.0版發行記者會，敬請撥工參加kap報導。